EXPOSICIÓN DE MANUEL NIETTO

Unha definición de arte e de pintura , que me parece acertada e interesante e aquela que dí, que a arte e a pintura é o reflexo das experiencias sensibles, no caso da pintura o reflexo por medio das cores, debuxos, grafías, materiais diversos, das experencias vividas e sentidas.

Esto ven a conto pola exposición do meu amigo e compañeiro nesto da pintura, Manuel Nietto, que estes días expón na Galería Arte Imagen da Coruña, a súa exposición titulada : " Una mirada marina", donde recolle as súas experencias mariñas na ría de Muros, as súas navegacións, as salidas en velero, as visións en distintas horas e estacións do monte Louro, o porto, en definitiva mar, paisaxe e vivencias por aquelas terras.

Os que nos gusta o mar, sentimolo como un elemento mais das nosas vidas, das nosas vivencias, e dende logo qsueda reflexado no noso traballo pictórico, un mar para sentir, pensar, vivir e disfrutar, polo que temos que seguilo coidando e non estragalo con contaminacións ou malos usos, para seguir a navegar e sumerxirse entre ondas e pensamentos mariños.

Como fai o amigo pintor Manuel Nietto.

Un saúdo.

50 ANOS DA A.C. O GALO

Tuvo lugar estes días unha exposición dos primeiros 20 anos da A. C. O Galo, o cumprirse 50 anos da súa formación. Exposición no seu local de Compostela, mediante diversos paneis informativos, trae a memoria a formación desta asociación, unha das primeiras na defensa da lingua e cultura galega, en tempos díficiles como os do franquismo.

Exposición realizada pola labor intensa de diversas persoas e de diversos estamentos. Como Gurriarán da Fundación 10 de Marzo, o Concellería de Cultura de Compostela, e a propia A. C. O Galo, co seu presidente Oscar Refoxo. Precisamente a Oscar Refoxo, fixoselle unha homenaxe por levar tantos anos facendo posible que O Galo, a pesar de dificultades seguira adiante, facendo cousas e cantando.

Alí na inauguración atopámonos con antiguos membros, como Xulio Maside, Menani, García Bodaño, Oscar Refoxo, Encarna Otero, e outros incorporados mas tarde, como Chico, Manuel Vilar, Mauel Vázquez, Marcos, Adrián ,eu mesmo, e outros mais novos como Nando Pereiro.

Unha boa oportunidade para que a A. C. O Galo siga activo, con novas ideas e proxectos, e dende logo que siga cantando.

Un saúdo.

TEMPO DE OBSERVACIÓN e PENSAMENTOS

Nestes días que xa mellorou algo o tempo, mais que as noticias agobiannos co terremoto do Xapón, o sunami, e logo as fugas radiactivas na central nuclear de Fukushima, a contaminación pois de moita xente, ademais dos problemas pola falta de auga, luz, etc.

Tamén os problemas e gerra interna de Libia, os bombardeos, as matanzas, as armas de detrucción que lle venderon os Estados Europeos, que agora loxicamente critican o dictador Gadafi, que está masacrando o propio pobo.

Todo esto faime observar e pensar neste desenrolismo de acumulacións, de ter moitas cousas, de crecementos dos negocios, das especulacións, das enerxías non limpas , das armas para xerar negocios lucrativos.

E miro para o ceo, vexo as nubes limpas, os páxaros cruzando, a tranquilidade no ambiente, e penso, que debemos vivir mais despacio, disfrutando do que temos, das enerxías limpas que as ai, como o vento, o sol, a auga, a biomasa, a xeotermica. Polo que digo Non as Nucleares nin as armas.

Un saúdo.

PRESENCIA COMPOSTELANA NA PINTURA

Nestes tempos atuales, donde certa arte contemporánea, sobre todo ligada a modas de globalización e homoxeinización de certos museos de arte contemporáneo, está a prescindir da pintura, e de sinalar que aquí na nosa cidade nestes ultimos tempos volve a ter unha presencia importante, e ademais a pintura de dous composteláns de xeracións distintas, de traxectorias moi distintas, de aportacións tamén diferentes, mais moi interesantes.

Así tuvemos na Galería SCQ a mostra do pintor xoven Manuel Eirís, donde a pintura estaba retida en elementos de uso cotián no proceso pictórico, como paños, estropaxos, entre outros.

Por outro lado temos no Centro Cultural de Vite unha exposición pictórica do veterano artista compostelán "Doro", que levaba tempo sin mostrar os seus traballos, debido a dificultades personais, e aquí recóllese un pouco de diferentes traballos e de diferentes épocas, pasando dende o figurativo ata a abstracións informalistas.

Así pois, a pintura volve a ter un protagonismo en Compostela e por artistas composteláns, que sempre seguimos a traballar na arte e na pintura, independentemente de modas ou imposicións.

Un saúdo.

NOS TEMPOS DO ANTROIDO

Andamos en tempos de antroido, e aínda que nas cidades cambiou bastante o incorporar novas formas, que as veces proveñen doutros lugares, polo que xa se denomina mais ben carnaval, tamén aínda se manteñen, principalmente nas zonas rurais, pobos e vilas.

En algunhas cidades combinan nos desfiles de carrozas, algunhas tamén de tipo tradicional ou que fan mención a traballos ou actividades nosas propias. Mais o antroido e tempo de disfraces, de troula, de cambiar de hábitos, de criticas os do poder, os caciques, de meterse coa xente de boas maneiras e divertidas. Por iso durante a dictadura estuveron prohibidos.

Un tempo por un lado de poñer en valor as nosas tradicións, que siguen os antroidos cos cigarróns de Laza e Verín, as pantallas de Xinzo, os xenerais do Ulla, o oso de Salceda, o rei de Covelo, entre outros, e tamén das críticas as situacións sociais e políticas, coas comparsas, lecturas de coplas, ou nos enterros do meco. Tempos de liberdade, divertimento, críticas e reflexións.

Un saúdo

PINTURAS E FRACASOS, DE I. DÍAZ PARDO

Polémicas aparte, sexan o apartalo de Sargadelos, ou a do actual legado de documentos para a Cidade da Cultura, o que sí está claro e que I. Díaz Pardo, é un dos grandes persoeiros do noso pais, unha persoa fundamental na nosa historia, intelectual, artista, home emprendedor da cultura, con editoriais, escritos, xunto con Seoane do Laboratorio de Formas, das empresas de Sargadelos, cos seus deseños modernos partindo de feitos históricos, etc.

Mais neste caso, e a exposición de pintura retrospectiva na Casa da Parra, a que fala dos seus acertos e fracasos, aínda que para mín son todos acertos, alí están obras de tipo clásico dos primeiros anos de pintor, ata as obras mais modernas , de carteis de cegos, de figuras mais soltas, de certos elementos xeométricos, cores mais planos, etc.

Así pois, unha persoa importante que influiu nas novas xeracións, como no meu caso, que nos enseñou o amor pola arte, pola nosa cultura, polo noso idioma, pola nosa historia, e ademais unha persoa emprendedora que aportou riqueza e cultura o noso pais. Os seus fracasos, quedan completamente esquencidos, polos moitos acertos que tuvo lugar durante os seus moitos anos de traballos diversos.

Un saúdo

NA PRESENTACIÓN DE DÚAS PROPOSTAS PICTÓRICAS

Xa tuvo lugar a presentación da exposición : Dúas propostas pictóricas : Maribel dos Anjos e Nolo Suárez, na Sala do P.I. do Tambre.

Así as cores e liñas dos Camos lineais de Maribel esvaran e crúzanse cos Ciclos Elementais de Nolo en apertas de conciliación, creando unha rede de vida, cores, diversidades, propostas e emocións. Superando o concreto para adentrarse en novos espazos intuitivos, de reflexión e imaxinación, ampliando os campos da visión pictórica, ata ir a novas formas de expresión e representación.

Dúas propostas pictóricas en diálogo e interación, completándose, compartindo elementos e o mesmo tempo mantendo as diferenzas, nos estilos e nas temáticas. Coa intención de avanzar nos entendementos, nas combinacións, mais manendo a independencia e a ilusión, de aconteceres as melloras das cousas da propia vida, das artes e da cultura.

Un saúdo.

UN DÍA DE NAVEGACIÓN

Saimos a navegar con vento favorable, nun día de inverno que mais parecía de primaveira, o sol brilaba entre nubes, e o vento soplaba sin demasiada forza, xusto o necesario para navegar no veleiro de Manuel Nieto pola ría de Muros ata perto de PortoSin.

Primeiro dende o porto a remos ata o yate, un esforzo e pericia de Manuel Nieto, que era o navegante experto. Logo no yate, xunto o seu cuñado Julio, o amigo Nando e mais eu, alí levaron o peso da navegación Nietto e Julio, Nando e mais eu, axudamos no que podíamos, e tamén soupemos gardar o equilibrio que é unha das cousas importantes.

Algunhas rafagas de vento poñían o velero a proba de inclinación, as ondas do mar salpicaban, a auga salgada moi perto, hinchaban as velas, tensaban as amarras, e como catro expertos marinos, fixemos unha navegación intensa, ata con doble xiro pola pericia do Nando o timón.

Un día e unha navegación para o recordo, co disfrute dun bon día e de boa compañía, de amigos e compañeiros que supimos cumprir na navegación, mais tamén con prudencia e respeto por un mar que ten a forza da inmensidade, da beleza e da vida.

Un saúdo.

DÚAS PROPOSTAS PICTÓRICAS

Presento estes días xunto coa pintora Maribel dos Anjos, unha exposición na Sala do Polígono do Tambre, que se titula precisamente así : Dúas Propostas pictóricas : Maribel dos Anjos e Nolo Suárez. Cada un presenta a súas proposta, a miña e de : Ciclos elementais, e a de Maribel de Campos lineais.

Son dúas propostas diferentes, independientes, mais con puntos en común, como ese diálogo da pintura coa actualidade, coas novas visións e interpretacións, dende os propios elementos pictóricos, como liñas, trazos, manchas, chorreos, ata no meu caso uns referentes concretos e elementos de reflexión, sobre algunhas agresións a natureza, mentras que Maribel, centrase mais na cor, na dimensión espacial e arquitectura pictórica e en formas mais tendentes a abstración pictórica.

Diversidade e achegamentos, a imaxinación e a reflexión, a expresividade por medio da pintura, entrelázanse nesta mostra conxunta.

Un saúdo.