Fai uns días tuvo lugar na Igrexa da Universidade de Compostela a presentación da Colección Litonor, empresa de impresión gráfica, que o longo dos anos foi facendo unha colección de arte moi interesante, e tamén un apoio a actividades culturais.
Alí encontrámonos moita xente coñecida de Compostela, de distintos ámbitos, mais tamén moitos dos artistas que tiñan obra alí exposta da Colección Litonor.
Tamén co motivo da citada exposición, editaron un fermoso cátalogo, con reproducións de moitas obras, algunhas que non están expostas, e tamén con interesantes textos de escritores e críticos. Na colección están artistas xa consagrados e moi coñecidos, e outros que non o son tanto, mais con obras todas elas interesantes.
Así pois parabéns a todos os de Litonor, e os que fixeron posible dita exposición, e sobre todo a Victor Ferreira, un dos alma mater do proxecto cultural Litonor.
